فراخ بانية بصوص البشاميل حصريا من مطبخى وبالصور

الأحد أغسطس 23, 2015 4:59 pm من طرف **فلقة قمر**

هلا بنات

بصو بقى النهارده جيبالكم وصفه جنان ويارب اللى تجربها وتعجبها تدعيلى دعوة حلوة من قلبها يلا استعدو يابنات
..
...
....
.....

المقادير

فراخ بانيـــــــــــــــــــــــة
كوب زبـــــادى كبيــــــــر
شوية خــــــــــــــــــــــل
4 فصوص ثوم مدقوقيـن
عصير بصلة كبيـــــــــــرة
ملح وفلفل وشطـــــــــة
سمنة للتحميــــــــــــــر
2 كوب بشاميـــــــــــــل

1- هنجيب الزبادى والخل والثوم وعصير البصلة والملح والفلفل والشطة ونحطهم
فى طبق كبير ونقلبهم مع بعض كويس وبعدين نحط فيهم قطع الفراخ نقلبها فيهم
كويس .

فراخ بانية بصوص البشاميل حصريا من مطبخى وبالصور 13243886958579

2- ندخل طبق الفراخ
التلاجة مده متقلش عن ساعتين وممكن تسيبها من بليل للصبح وممكن كمان اول
متشترى الفراخ البانيه تعمليلها الخلطه دى وتحطيها فى الفريزر وتطلعيها بقى
منين متحبى تعمليها .

3- بعد كده هتجيبى طاسه ويستحسن تكون
تيفال وتحطى فيها شوية سمنه يعنى يكونو ارتفاع نص سم كده فى الطاسه ولما
تبدأ السمنه تقدح تبدأى تحطى قطع الفراخ وتحمريها وتحطيها فى صينية.

فراخ بانية بصوص البشاميل حصريا من مطبخى وبالصور 13243888479655

فراخ بانية بصوص البشاميل حصريا من مطبخى وبالصور 13243890154812

4- بعد كده تعملى الباشميل
يااما تشترى الاكياس الجاهزه وتعمليه على طول بالطريقة اللى بتبقى على
الكيس يااما تعمليه بالطريقة دى ( 2كوب لبن +2 ملعقة دقيق + ملعقة ملح
كبيرة + فلفل اسمر ) وتقلبيهم مع بعض على النار لحد مايبقى قوامه سميك .

فراخ بانية بصوص البشاميل حصريا من مطبخى وبالصور 13243891494359

5- بعد كده هاتى المتبقى عندك من التتبيله بتاعة الفراخ وزودية على البشاميل وقلبيهم مع بعض وبعدين صبيهم على صينية الفراخ بحيث تغطى قطع الفراخ اللى عندك .

فراخ بانية بصوص البشاميل حصريا من مطبخى وبالصور 13243892262787

6- دخلى الصينية الفرن فى الرف اللى فى النص وولعى عليها من تحت وسيبيها
حوالى نص ساعه وده شكلها النهائى والطعم خرافى هتشوفى بنفسك وممكن تتقدم
جنب مكرونه او ممكن كمان تتعمل سندويتشات مع بطاطس محمرة وطعمها بيبقى زى
سندويتشات المطاعم واحلى كمان يعنى الصغيرين والكبار بيموتو فيها وبالهنا
والشفا .. استنو استنو متنسوش التقييييييييم والدعاء ولو حد عنده اى اسئلة انا فى الخدمة ....

فراخ بانية بصوص البشاميل حصريا من مطبخى وبالصور 13243892978614

فراخ بانية بصوص البشاميل حصريا من مطبخى وبالصور 13243892978614

أنتظر ردودكم ومشاركاتكم المبدعة

» فراخ بانيه اه بس من مطبخى غير ادخلى وشوفى تكاتى
» كيكه بصوص الشكولاته سهله ولذيذه موت ...!
» عاوزه طعم الفراخ زي المحلات تعالي شوفي تكاااااااااااتي لفراخ مشويه وبالصور‘‘‘‘‘‘‘‘‘‘‘
» فراخ كنتاكى E TFC أحلى من AFC وتحدى بالصور
» ملفوف الدجاج المحشى مشروم مع الرز بالكارى غدانا امس بالصور من مطبخى