الفراخ المحشيه باللحمه المفرومه من مطبخ ميثاق بالصور

الأحد أغسطس 23, 2015 4:59 pm من طرف **فلقة قمر**

هلا بنات

لنهارده بإذن الله هاقدملكم الفراخ المحشيه باللحمه المفرومه

المقاديـــــــــــــــــــــــــــــــــــــــــــ ــــر :
:::::::::::::::::::::::::::::::::فرخه كيلو ونص تقريبا

ــــــــــــــــــــــــــــــــــــــــــــــــــ ــــــــــــــــــــــــــــــــ

مقدار من اللحمه المفرومه

بصل وزبده وفلفل اسود وملح وشطه

اربع ملاعق بسله وجزر*اختيارى *
الفراخ المحشيه باللحمه المفرومه من مطبخ ميثاق بالصور 784238183

نحضر الفرخه ونغسلها كويس بالخل والملح وممكن بالدقيق

نتبل الفرخه بالتتبيله الخاصه بتاعتى

بصل ، عصير ليمون ، قشر ليمون

يوسفى وقشر يوسفى ، ملح وشطه

فلفل اسود وكمون وخل

**وقليل جدا جدا من التوم **

نضرب المجموعه فى الكبه وناخذ منها احلى تتبيله

بجهزها باستمرار و اضعها فى اكياس فى الديب فريزر

لانى باستخدمها فى الشاورمه وف تتبيلة الفراخ المشويه

المهم بعد ما تبل الفرخه اضعها لمدة ساعتين فى التلاجه

ويستحسن توضع فى التلاجه لمده ليله

نضع حله تغلى على النار لحين الوصول لوقت السلق

نحضر طاسه ونضعها على النار ونضع فيها سمن وزيت

ثم نضع البصل ونضع عليه اللحم المفروم ونشوحها على النار

ونضع الملح والفلفل الاسود والشطه

ثم نضع البسله والجزر فى الاخر

بعد مانطفى النار

نحضر الفرخه ونتبلها ونضع الزبده فيها ثم نضع اللحم المفروم

بين الجلد واللحم

وفى داخل الفرخه

ونغلفها بورق الفويل ونضعها فى حله المياه المغليه م نضع عليها شاكوش استالستين او خشب

غير كده ممكن يرمى صدا

لنثبتها

اختيارى لو مش عاوزه هيا كده او كده هتستوى

ونخرجها

نفك ورق الفويل

وفكرة التغليف بالورق الفويل اخدتها من الشيف علاء الشربينى عندما غلف الحمام بورق الفويل وسلقه ف ميه مغليه

فكره جميله ماتخليش ولا رزايه تطلع من الفرخه وكمان ارتحت من الخياطه والخله

وتخلى الشوربه صافيه وجميله وزى الفل

عملت معاها صنية بطاطس عاديه

قطعت البطاطس والبصل وعصرت طماطم فى الخلاط

وعملت خلطه من الزبده مع الملح والشطه وهرستهم مع بعض

وحطيت طبقات من البصل المقطع حلقات ثم خلطة الزبده وحلقات البطاطس وهكذا ثم اضفت عليها الشوربه

وعصير الطماطم وسويتها على النار

والصور بإذن الله هتوضح اكتر

نخرج الفرخه من الشوربه ثم نفكها بعد شويه علشان سخونة الورق ثم ندهنها

ببياض البيض المضاف اليه قطرات من الليمون والفلفل الاسود وكمان دهنتها بملعقة صلصه

ولو عوزاها ذهبية اللون بلاش الصلصه، الفكره دى اخدتها من

فتوكه وكنت اتمنى افتكر اسمها علشان اشكرها

ثم نضعها فى الفرن تحت الشوايه

والان اليكم الصور

دى الفرخه جوه الفرن انا حطتلها روز مارى بيخلى ريحتها جميله جدااااااااا

صوره للفرخه
الفرخه بعد التقطيع

اللى جنب طبق الفراخ هو السوس بتاعها لاقيته لما فتحت ورق الفويل

الفراخ المحشيه باللحمه المفرومه من مطبخ ميثاق بالصور 13338316702967

الطبق دا للفتوكه اللى هترد وتدعى وتقيييييييييييييييييييم
انا مش طماعه ههههههههههه

بس دا من باب العشم

انا كده الحمد لله خلصت

الدعاء بصلاح الحال

وبراحة البال
والتقيييييييييييييييييييييييييم

أنتظر ردودكم ومشاركاتكم المبدعة

» شاورما الفراخ
» طريقة تخزين الخرشوف بالصور
» الأرز البخاري مطبخ منال العالم
» عاوزه طعم الفراخ زي المحلات تعالي شوفي تكاااااااااااتي لفراخ مشويه وبالصور‘‘‘‘‘‘‘‘‘‘‘
» طريقة عمل اروع كيكات بالصور