فراخ بانيه اه بس من مطبخى غير ادخلى وشوفى تكاتى

فتوكاتى حبيباتى اسعد الله مساؤكم بكل خير ويارب تكونوا فى احسن الاحوال
حبيت اشارككم النهارده بطريقه حلوووووووه اوى للبانيه وان
شاء الرحمن تعجبكم لانها فعلا زى اللى بناكلها بره اللى بنحس فيها بطعم
الفراخ وبتكون الشريحه كده مفروده وناشفه ووشها مش مكرمش ولا طرى ولا حتى
فاصل عن اللحم
انا جربتها بتتبيلات كتير اوى ولكن مفيش احلى من التتبيله دى وهى عاديه اوى هتستغربى منها ولكن اوعدك انك هتحسى بفرق كبير
انا قريت لها وصفات كتير اللى بتضيف جميع التوابل واللى بتضيف عصير طماطم واللى بتسويها فى الفرن عشان الزيت والدهون
النهارده بقى انا جايه ومعايا الخلاصه فى البانيه
عاوزاكى يا فتوكه تدعيلى بتفريج الكرب والستر فى سرك وربنا يتقبل منك يارب
ندخل بقى على المفيد

المقادير

صدور فراخ
عصير بصل
عصير ليمون
ملح وفلفل
بيضه
بقسماط

بس كده؟؟؟؟ ايووووووووووووووووووووووووووووووووون بس كده


الطريقه

نفرد الفراخ وندقها مترفعيهاش اوى يا فتوكه
تبليها بعصير البصل والليمون والملح والفلفل
سيبيها فى التلاجه 12 ساعه على الاقل ليييييييييييييه؟؟؟
اقوللك عشان كل ماتتنقع غير انها بتتبل ان لحمها بيشد ويجمد اوى ولما تيجى تحمريها مش تصغر ابداااااااااا (ودى اول تكه )
طلعيها من التلاجه وعلى البيض وبعدين البقسماط المنخوووووووووول؟؟ منخووووووووووول ؟؟لييييييييييييه؟؟؟؟
عشان يا فتوكه حبيباته مش بتبقى زى بعضها فيه التخين
والرفيع وكده ولما بنحطه كده من غير ما ننخله بيقى فى فراغات بينه وبين
الفراخ يدخل وسطها الزيت بعضها يطلع وبعضها يقب كده من ناحيه ويتحمر بزياده
ويخلى يبقى فيه قشره كده وطبعا تضغطيها كويس اوى اوى (ودى تانى تكه )

زيت سخن وحمريها وهتاكلى احلى بانيه وابقى ادعيلى

يلا ندخل على الصور













شوفى ازاى مش شاربه زيت ده المنديل اللى كان تحتها








اقرررررررررررررررررررررررررررررررررررررررب





اتمنى تكون الوصفه عجبتكم مستنيه تعليقاتكم ودعواتكم اللى
هتسعدنى والتقييم لو استاهل يارب ينزل جديد بقى اصلى ماليش حظ فى القسم ده
ههههههههههه
والى وصفه اخرى دمتم فى حفظ الله

أإسـ عٍ ـد الله أإأوٍقـآتَكُـم بكُـل خَ ـيرٍ

دآإئمـاَ تَـبهَـرٍوٍنآآ بَمَ ـوٍآضيعكـ

أإلتي تَفُـوٍح مِنهآ عَ ـطرٍ أإلآبدآع وٍأإلـتَمـيُزٍ

منورة غلاتي
لا تحرمينا طلتك وتوجدك