الموضوع دا دايما بفكر فيه فعلا ... 
ياريت كلنا نحس باهميته ...
أكيد كلنا بيتكسر عندنا كوبايات وأطباق كتير .. 
ممكن بس لما يتكسر عندك شئ بعد ما تلمه وقبل ما ترميه في كيس الزبالة تجمع كل قطع الزجاج المكسورة وتلفها في ورقة جرنال .. وتحط ورقة الجرنال في كيس وتربطه .. وبعدين ترميه في باسكت الزبالة .. 
وكمان الأسلحة الحادة وأمواس الحلاقة والدبابيس والمسامير .. 
عشان في ناس شغلتها تفتش في أكياس الزبالة علشان تفصلها وساعات عشان تلاقي فيها شوية أكل  .. 
أوعى تكون سبب في جرح إيد واحد منهم من غير ما تقصد .. أيده هي كل ما يملك علشان يشتغل ويكسب قوت يومه .. صدقني مش هتخسر شئ لو عملت كده .. بس هتكسب حسنات كتيييييير .. ويمكن لما يلاقي الكيس يدعيلك لما يحس إنك حاسس بيه وخايف عليه ..
A-Y
منقول