يااللي على البال تطري وانت ماتدري
وش ذنبه الي يحبك وانت خليته
وش ذنب قلب رسملك حبه العذري
وش ذنب دمع على طاريك هليته
لو كان عمري فديني فدوتك عمري
لكن عمري بدين الي ترجيته
انه يرد الزمان الي على خبري
واعيش ليلك وحلم كم تمنيته
يوم ان قلبك بصدري وانته في صدري
طيفن سكن بالحشا واثري الحشا بيته
للأيام تجري وعمري بالشقا يجري
حتى الشقا منك رافقته وحبيته
اصبر على حالتي ويملني صبري
واعيش في لوعتي واقول ياليته
والليل في ناظري يا صاحبي يسري
والشعر لجل الهوى جبته وغنيته
واذا تكلم عذولي قلت له عذري
ان الهوى يذبح العاشق وانا جيته
ولا انته ماتدري انك كل ماتطري
يصيح بين الحنايا شي خليته
الإثنين مارس 15, 2021 11:07 am
