امتحان آخر فى اللغة العربية (بس بجد لازم تدخلوا)

أكتب وأهدي لقرائي الأحباء هذا المقال بدون قصد الإساءه لأي أحد الا اللي
حاسس ان على راسه بطحه فهذا نوع من النقد المشروع لهم وإليكم نص الأمتحان
كله يستعد:
السؤال الأول
التعبير
اكتب ما لايقل عن 650 سطر فى أحد الموضوعات التالية :
1)
لم يجد الطفل غير الشارع ملجأ نظرا لحالة البلد الهباب..فاتجه إلى السرقة
والقتل والحشيش.. حتى نال جزاءه وقبض عليه متلبسا بباكتة بانجو.. اكتب قصته
مع تسليم الحِرز للباشا مراقب اللجنة

2) شهدت بلدنا الحبيبة نهضة
فى مجال التشييد والبناء وخصوصا بعد وصول سعر الحديد إلى 6500 جنيه للطن..
اكتب ما يمليه عليك ضميرك على أن يبدأ موضوعك بعبارة أنا باشتغل فى حديد وز

3) بعد انتشار ظاهرة أكل لحم الكلاب والحمير..من وجهة نظرك كحمار تكلم عن هذه الظاهرة ومن المتسبب فيها بس بدون غلط .. الورق متراقب

السؤال الثانى
القصة
من قصة " وعهد الله ما انت داخل الانتخابات" ... اقرأ القطعة وأجب عن الأسئلة التى تليها :
ثم
أتى إليه وضربه بالجزمة وقال: انت عايز تترشح فى الانتخابات يامعفن؟؟ دانت
عايز معجزة..مش كفاية بتاكلوا لحمة ومستورين.. عايزين إيه تانى؟
1) ما هى اللحمة؟ أو على الأقل حدد أقرب معنى خيالى لها
2) مرادف معجزة فى اللغة ( تغيير وزارى – زيادة المرتبات – رغيف العيش)
3) لماذ ضربه الرجل بالجزمة وليس بالعصى مثلا؟
(كسل .. لسة هيرفع العصاية؟ - عشان العصاية قلة قيمة واحنا فى عصر الديمقراطية – عشان العصاية شغالة مع واحد تانى)
4) حلل بمزيد من التفصيل جملة ضربه بالجزمة ومدى توافقها مع جملة بلدنا بتتقدم بينا

السؤال الثالث
النصوص
أجب عن أحد النصين الآتيين
أ ) النص الأول
من نص ( ماشربتش من نيلها) .. اقرأ ثم أجب
ماشربتش من نيلها.. جربت تغنى لها.. جربت فى عز ماتحزن تمشى ف شوارعها وتشكى لها
1) بعد رغبة صاحبة النص فى أن تلد ابنتها فى أمريكا لتحصل على الجنسية الأمريكية..... ما المقصود بنيلها فى النص؟
المسيسبى - الأمازون –يانج تسى
2) هذا النص من نصوص الحزب الحاكم والدليل وجود اسم مهم من قيادات الحزب فى النص. استخرج الاسم.
3) أكمل الأبيات إلى آخر كحكة فى الكليب
4) قوبل النص بانتقادات بسبب بعده عن الواقع..وضح من النص ما يتفق مع القول المأثور اطبخى ياجارية ..كلف يا سيدى
السؤال الرابع
النحو
أعرب ما تحته خط
لو مالقيتش القطعة أصلا .. اتصرف
ذهب الرئيس إلى المؤتمر .. ضع الجملة السابقة فى صيغة المثنى.. ماعدا الرئيس طبعا.
كان ممدوح إسماعيل قاتلا .. ضع إن مكان كان.. على ألا تنصب ممدوح.. عشان هوه بينصب لوحده
فُرِضت الضرائب علينا ببشاعة ..أعرب الجملة .. وارفع الضرائب أبوس إيدك

السؤال السادس
الخط
كوز المحبة انخرم..طرطش على كمى..ياحبيبى بطل جفا .. وارحم عذاب امى
اكتب
الجملة السابقة أربع مرات بثلاث خطوط.. موبينيل مره وفودافون مره واتصالات
مرتين علشان الدقيقه أرخص...كما يمكن التحويل من خط لخط بنفس الرقم.. فقط
اتصل بخدمة العملاء...
الإمتحان انتهى بس أنا اكتشفت انه اتسرب من خمس
سنين بسبب المراقبين اللي ماعندهمش ضمير لذلك أنا أصدرت قرار انه يتعاد
تاني في 2011 بدون مراقبين وكل واحد رقيب على نفسه والله الموفق...

تسلمي غلاتي

هههههههههههههههه
والله أنا راح أجيب صفر في الامتحان ده
ههههههه
مشكوووووورة